Հարձակում նախաձեռնած ադրբեջանական ստորաբաժանումները կորուստներ տալով հետ են շպրտվել
1 րոպեի ընթերցում
![Հարձակում նախաձեռնած ադրբեջանական ստորաբաժանումները կորուստներ տալով հետ են շպրտվել](http://armenpress.am/resized/480/static/news/b/2021/07/1059253.jpg)
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Հայկական դիրքերի ուղղությամբ հարձակում նախաձեռնած ադրբեջանական ստորաբաժանումները, ժամը 09։20-ի դրությամբ, տալով կորուստներ, ետ են շպրտվել իրենց ելման դիրքեր։ «Արմենպրես»-ի հաղորդմամբ՝ ինչպես հայտնում է ՀՀ ՊՆ-ն՝ փոխհրաձգությունը շարունակվում է։
Հայ-ադրբեջանական սահմանի մնացած հատվածներում իրադրությունը կայուն է և գտնվում է ՀՀ ԶՈՒ ստորաբաժանումների լիարժեք վերահսկողության ներքո։
Ավելի վաղ հայտնի էր դարձել, որ հուլիսի 28-ին ադրբեջանական ԶՈՒ ստորաբաժանումների կողմից նախաձեռնած հարձակումից հետո ծավալված մարտական գործողությունների արդյունքում, ժամը 08։30-ի դրությամբ, հայկական կողմն ունի երեք զոհ, ևս երկու զինծառայող վիրավոր են: