1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Արարատի մարզի Երասխ գյուղում՝ հայ-ադրբեջանական սահմանի չեզոք գոտում հրդեհ է բռնկվել. եղեգ է այրվել:
«Արմենպրես»-ի հաղորդմամբ՝ այս մասին հայտնում են ՀՀ արտակարգ իրավիճակների նախարարությունից:
Արարատի մարզային ճգնաժամային կառավարման կենտրոն ահազանգը ստացել է հուլիսի 26-ին, ժամը 17։07-ին:
«Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։ Հրդեհը մեկուսացվել է ժամը 19։25-ին, մարվել՝ 19։42-ին»,- նշում են ԱԻՆ-ից։