«Հայաստանի Հանրապետություն» օրաթերթ. Ադրբեջանը մեղավոր է ճանաչվել
2 րոպեի ընթերցում
![«Հայաստանի Հանրապետություն» օրաթերթ. Ադրբեջանը մեղավոր է ճանաչվել](http://armenpress.am/resized/480/static/news/b/2021/07/1058962.jpg)
ԵՐԵՎԱՆ, 24 ՀՈՒԼԻՍԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: «Բաքվի ծանր հանցագործությունների դատարանը մեղավոր է ճանաչել 13 հայ ռազմագերիներին եւ նրանցից յուրաքանչյուրին դատապարտել 6 տարվա ազատազրկման, որը կրելու են ընդհանուր ռեժիմի գաղութում: Դատավճռում նշված է, որ «պատիժը կրելուց հետո մեղադրյալները պետք է վտարվեն Ադրբեջանից»: Հայ ռազմագերիների դեմ հարուցած քրեական գործերն ու դատավարությունները մարդու իրավունքների կոպտագույն խախտումներ են եւ ամբողջությամբ հակասում են միջազգային իրավունքի նորմերին։
Դրանից մեկ օր առաջ՝ հուլիսի 22-ին, հրապարակվել էր նաեւ Ռուսաստանի Դաշնության քաղաքացի Էդուարդ Դուբակովի քրեական գործով դատավճիռը, որին դատապարտել են 10 տարվա ազատազրկման: Այս ամենի համատեքստում չափազանց կարեւոր իրադարձություն է Մարդու իրավունքների եվրոպական դատարանի կողմից հրապարակված վճիռն ընդդեմ Ադրբեջանի։ Դրանով արձանագրվել է, որ Ադրբեջանը խոշտանգել եւ ապօրինի ազատությունից զրկել է ՀՀ քաղաքացի Արթուր Բադալյանին, ով մոլորվել եւ հայտնվել էր Ադրբեջանի տարածքում: «Արթուր Բադալյանը ընդդեմ Ադրբեջանի Հանրապետության» գործով վճիռը կարող է հիմք դառնալ այսօր Ադրբեջանում ապօրինաբար պահվող հայ ռազմագերիների կյանքն ու անվտանգությունը պաշտպանելիս։ Ադրբեջանական հանցագործ ձեռագիրը չի փոխվում, զսպող գործոններից լավագույնը պատասխանատվության ենթարկելն է»:
Նյութն ամբողջությամբ կարդացեք թերթի այսօրվա համարում։