1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Գևորգ և Գոհար Բեժանյանները, որոնց ընտանիքում օրեր առաջ լույս աշխարհ է եկել փոքրիկ Եվան՝ ընտանիքի 13-րդ զավակը, ՀՀ նախագահ Արմեն Սարգսյանի հրամանագրով պարգևատրվել են Ծնողական փառքի մեդալով:
«Արմենպրես»-ի հաղորդմամբ՝ այս մասին հաղորդագրություն է զետեղվել ՀՀ նախագահի պաշտոնական կայքում:
Գևորգ և Գոհար Բեժանյանները պարգևատրվել են ընտանիքի կայացման և ամրապնդման գործում ունեցած ավանդի, տասներեք զավակ խնամելու և դաստիարակելու, նրանց ֆիզիկական և բարոյական զարգացումն ապահովելու համար:
