1 րոպեի ընթերցում
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Գրոսմայստեր Լևոն Արոնյանը շարունակում է հաջող ելույթները Goldmoney Asian Rapid 7-րդ միջազգային մրցաշարում:
«Արմենպրես»-ի հաղորդմամբ` առցանց մրցաշարի փլեյ-օֆֆի խաղային երկրորդ օրը Արոնյանը կրկին մրցեց հնդիկ Արժուն Երիգաիսի հետ: Բոլոր պարտիաներն ավարտվեցին ոչ-ոքի և որոշիչ եղավ թայ-բրեյքը, որտեղ ավելի ուժեղ էր Արոնյանը: Մրցաշարի կիսաեզրափակիչում հայ շախմատիստի մրցակիցն աշխարհի չեմպիոն Մագնուս Կարլսենն է: Մյուս զույգը կազմել են Դին Լիժենը և Վլադիսլավ Արտեմիևը:
Goldmoney Asian Rapidմրցաշարի կազմակերպիչներն աշխարհի չեմպիոն Մագնուս Կարլսենը և կանանց վարկանիշային աղյուսակի առաջատար Հու Յաֆանը:Մրցաշարն ունի1,6միլիոն մրցանակային ֆոնդ:
Արոնյանը դեռևս հանդես է գալիս Հայաստանի դրոշի ներքո:Օրեր առաջ նա հայտարարություն էր տարածել,որում տվել էր վերջին շրջանում իր անձի հետ կապված շրջանառվող հարցերի պատասխանները.Արոնյանը հեռանում է Հայաստանից:Նա կմիանա ԱՄՆ հավաքականին: