Ռուբեն Ռուբինյանը պարզաբանել է, թե ինչու բյուջետային քննարկմանը չի եկել ԱԳ փոխնախարարներից որևէ մեկը
1 րոպեի ընթերցում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: Ազգային ժողովում բյուջետային քննարկումների ժամանակ ԱԳՆ-ի ծախսերը ներկայացնելու համար խորհրդարան էր եկել ՀՀ ԱԳՆ Ֆինանսաբյուջետային վարչության պետ Արմինե Գալստյանը: Քննարկման ժամանակ ԲՀԿ խմբակցության անդամ Միքայել Մելքումյանը հետաքրքրվեց, թե ինչու խորհրդարան չի եկել նախարարի տեղակալներից որևէ մեկը:
«Ի՞նչն է, մենք որևէ նախարարի տեղակալ չունե՞նք»,- «Արմենպրես»-ի հաղորդմամբ, հարցրեց Միքայել Մելքումյանը:
Հարցին արձագանքեց «Իմ քայլը» խմբակցության պատգամավոր Ռուբեն Ռուբինյանը:
«ԱԳՆ-ից նամակ են ուղղել ԱԺ նախագահին և կապված զբաղվածության հետ, որ ֆինանսական վարչության պետը գա, ինչն էլ ընդառաջվել է»,-ասաց Ռուբեն Ռուբինյանը: