Թուրքական լիրայի փոխարժեքը նորացրել է դոլարի նկատմամբ ռեկորդային նվազագույնը

ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Թուրքական արժույթի փոխարժեքը մայիսի 28-ին իջել Է միջեւ մեկ դոլարի դիմաց 8,59 լիրա՝ անցնելով նախորդ ռեկորդային նվազագույնից (8,49), որն արձանագրվել Էր անցյալ տարա նոյեմբերի 3-ին: Այդ մասին հայտնում Է Bloomberg գործակալությունը, տեղեկացնում Է «Արմենպրես»-ը:

Գործակալությունը թուրքական արժույթի անկումը կապում Է այն անհանգստությունների հետ, թե Թուրքիայի դրամա-վարկային քաղաքականությունը չափազանց ազատ կմնա արագացող գնաճի զսպման համար:

Երկրի Կենտրոնական բանկն ավելի վաղ հարկադրույքը պահպանել Է առանց փոփոխությունների 19 տոկոսի մակարդակում եւ հայտարարել Է, որ գների աճի տեմպերը հասել են իրենց առավելակետին:

Այնուամենայնիվ վերջին երեք ամսում արժույթն ավելի քան 13 տոկոսով թուլացել Է:

Դա ամենամեծ ցուցանիշն Է զարգացող շուկաների թվում:

Անցյալ աշնանը Թուրքիայի ազգային արժույթի թուլացումն, ըստ Bloomberg-ի վարկածի, տեղի Է ունեցել այն պատճառով, որ Թուրքիան ներքաշվել Էր Ադրբեջանի եւ Հայաստանի միջեւ հակամարտության մեջ, հաղորդել Է ՏԱՍՍ-ը: