1 րոպեի ընթերցում
ԵՐԵՎԱՆ, 24 ՄԱՅԻՍԻ, ԱՐՄԵՆՊՐԵՍ: Ժամանակակից բանաստեղծ Եր Կարի անդրանիկ՝«Երկա՞ր»գիրքը շուտով հասանելի կլինի ընթերցողներին:
«Արմենպրես»-ի հաղորդմամբ՝ գիրքը, որի շնորհանդեսը տեղի կունենա մայիսի 29-ին «Արվեստանոցում», հրատարակել է «Անտարես»-ը:
Միջոցառման ընթացքում հեղինակը կներկայացնի գիրքը, իսկ դերասանուհիներ Նարինե Գրիգորյանը, Տաթև Հովակիմյանը, Կարինե Ջանջուղազյանը կընթերցեն հատվածներ գրքի ստեղծագործություններից:
Երեկոյին կատարումներով հանդես կգան «Տիեզերք» բենդը և ջութակահարուհի Անահիտ Իվանյանը:
Գրքում ներառված են Եր Կարի 50-ից ավելի ստեղծագործություններ, որոնք գրվել են 2017 թվականից մինչև օրս։
«Ստեղծագործությունների թեմաները բազմազան են. «ես»-ի խնդրից ձգվում են մինչև հայրենիքի սահմանները, այնտեղ մի պահ կանգ են առնում, հիշում խաղաղ օրերի երկինքն ու նորից շարունակում իրենց ճանապարհը դեպի ընթերցող»,-նշում է Եր Կարը: