Գոռ Վարդանյանն ընտրվել է Պոլիտեխնիկական համալսարանի ռեկտոր
1 րոպեի ընթերցում
![Գոռ Վարդանյանն ընտրվել է Պոլիտեխնիկական համալսարանի ռեկտոր](http://armenpress.am/resized/480/static/news/b/2021/03/1046092.jpg)
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Հայաստանի ազգային պոլիտեխնիկական համալսարանի ռեկտոր է ընտրվել Գոռ Վարդանյանը: «Արմենպրես»-ի փոխանցմամբ՝ այս մասին «Ֆեյսբուք»-ի իր էջում գրել է համալսարանի ուսանողական խորհրդի նախագահ Գևորգ Հարությունյանը:
Գոռ Վարդանյանը Հայաստանի ազգային պոլիտեխնիկական համալսարանի ռեկտոր է ընտրվել երկրորդ փուլով: Մարտի 1-ին ռեկտոր ընտրել հնարավոր չէր եղել, քանի որ թեկնածուներից որևէ մեկը չէր հատել ձայների 50+1%-ի շեմը:
2020 հունվարի 1-ից Գոռ Վարդանյանը զբաղեցրել է «Հայաստանի ազգային պոլիտեխնիկական համալսարան» հիմնադրամի պրոռեկտորի, աշխատակազմի ղեկավարի պաշտոնը։