Հրշեջները մարել են Արտաշատում բռնկված հրդեհը

ԵՐԵՎԱՆ, 14 ՄԱՐՏԻ, ԱՐՄԵՆՊՐԵՍ: Արարատի մարզային ճգնաժամային կառավարման կենտրոնը մարտի 14-ին, ժամը 11:04-ին ահազանգ է ստացել, որ Արտաշատ քաղաքի Այվազովսկու փողոցի տներից մեկի տանիքում հրդեհ է բռնկվել։

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Հրդեհը մեկուսացվել է ժամը 11:20-ին, մարվել՝ 11:36-ին: Այրվել են տան տանիքի (մոտ 40 քմ) փայտյա կառուցատարրերը՝ մասամբ (մոտ 10 քմ)։