Շղթայական վթարների պատճառով Նոր Նորքի 4-րդ զանգվածի Ա. Հովհաննիսյան փողոցը դարձել է ոչ երթևեկելի
1 րոպեի ընթերցում
ԵՐԵՎԱՆ, 18 ՓԵՏՐՎԱՐԻ, ԱՐՄԵՆՊՐԵՍ: Նոր Նորքի 4-րդ զանգվածի Ա. Հովհաննիսյան փողոցն առավոտյան 09:30-ի դրությամբ ամբողջությամբ դարձել է ոչ երթևեկելի մի քանի տեղ շղթայական վթարների պատճառով: «Արմենպրես»-ի թղթակիցը հայտնում է, որ փետրվարի 18-ի վաղ առավոտյան տեղացած ձյան պատճառով, թեք իջնող ճանապարհին ստեղծվել է անանցանելի իրավիճակ:
Մի հատվածում բախվել են 11-ից ավելի մեքենաներ, մյուս հատվածում՝ 7 մեքենա: Նշված հատվածում երթևեկությունն ընդհանրապես դադարեցված է: Չի գործում հասարակական տրանսպորտը: