1 րոպեի ընթերցում
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Երևանի թատրոնի և կինոյի պետական ինստիտուտը Մանկավարժական համալսարանին միավորելու լուրը չի համապատասխանում իրականությանը:
«Արմենպրես»-ի հաղորդմամբ՝ այս մասին ԵԹԿՊԻ «Ֆեյսբուք»-ի պաշտոնական էջում գրառում է կատարել բուհի ռեկտոր Լիլիթ Արզումանյանը:
«Ի գիտություն հայտնում եմ՝ Երևանի թատրոնի և կինոյի պետական ինստիտուտը Մանկավարժական համալսարանին միավորելու լուրը, որն իրոք օդից կախված էր, որը և մտահոգության ու ընդվզման առիթ դարձավ բուհի ուսանողների շրջանում, չի համապատասխանում իրականությանը: Այսօր մեր բուհում ամեն ինչ հանգիստ է, դասերն ընթանում են բնական հունով»,-նշել է ռեկտորը:
Ավելի վաղ համացանցում լուրեր էին տարածվել այն մասին, թե Թատերական ինստիտուտը միավորվելու է Մանկավարժական համալսարանին: Լուրի իսկությունը պարզելու նպատակով փետրվարի 11-ին ԵԹԿՊԻ ուսանողները բողոքի ակցիա էին կազմակերպել բուհում:
