1 րոպեի ընթերցում
ԵՐԵՎԱՆ, 23 ԴԵԿՏԵՄԲԵՐԻ, ԱՐՄԵՆՊՐԵՍ: COVID-19-ի համավարակի դեմ պայքարի, դրա հետ կապված տնտեսական դժվարությունների հաղթահարման եւ բնակչության օգնության համար հատկացումների ընդհանուր գումարն աշխարհում այժմ գերազանցել Է 13 տրիլիոն դոլարը: Դեկտեմբերի 23-ին այդ մասին հայտնել Է ճապոնական Nikkei գործարար թերթը՝ վկայակոչելով իր փորձագետների հաշվարկները, տեղեկացնում Է «Արմենպրես»-ը:
Այդ գումարը, թերթի տվյալներով՝ հաշի Է առնում նաեւ համավարակի պայմաններում տնտեսության խթանման միջոցների՝ գրեթե 900 միլիարդ դոլարի՝ հենց նոր ԱՄՆ-ի Կոնգրեսում համաձայնեցված փաթեթը: Տնտեսության խթանման ավելի ու ավելի նոր ծրագրերի ընդունումը, նշում Է «Նիկեյը», հանգեցնում Է աշխարհի առաջատար երկրների պետական պարտքի ուռճացման: Փորձագետների հաշվարկներով՝ 2021 թվականին այն կհասնի նրանց միագումար համախառն ներքին արդյունքի (ՀՆԱ) 125 տոկոսին, հաղորդել Է ՏԱՍՍ-ը:
