Ըմբիշ Մալխաս Ամոյանը դուրս է եկել աշխարհի գավաթի անհատական խաղարկության եզրափակիչ

ԵՐԵՎԱՆ, 12 ԴԵԿՏԵՄԲԵՐԻ, ԱՐՄԵՆՊՐԵՍ: Հունահոռմեական ոճի ըմբիշ Մալխաս Ամոյանը դուրս եկավ աշխարհի գավաթի անհատական խաղարկության եզրափակիչ:

«Արմենպրես»-ի հաղորդմամբ` 72կգ քաշային Մալխաս Ամոյանը ոչ մի շանս չտվեց թուրք ըմբիշ Չենքիզ Արսլանին` հաղթելով 7:0 հաշվով: Եզրափակչում Ամոյանը կմրցի Հունգարիայից Բալինտ Կորպասիի հետ:

Կարապետ Չալյանին հաղթած Ռոման Վլասվը մտավ եզրափակիչ, ուստի Չալյանը հնարավորություն ստացավ սփոփիչ գոտեմարտ անցկացնելու և շարունակելու պայքարը բրոնզե մեդալի համար:

55 կգ քաշային Ռուդիկ Մկրտչյանը ևս կշարունակի պայքարը՝ անցկացնելով սփոփիչ գոտեմարտ: