3 րոպեի ընթերցում
ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Կարիքավորներին օգնելու համար 2021 թվականին աշխարհում հարկավոր կլինի ռեկորդային 35 մլրդ դոլար հավաքել: Այդ մասին, ինչպես տեղեկացնում Է «Արմենպրես»-ը, դեկտեմբերի 1-ին հաղորդում են արեւմտյան ԶԼՄ-ները՝ վկայակոչելով ՄԱԿ-ի տվյալները: «Գլոբալ հումանիտար տեսություն» զեկույցի գնահատումների համաձայն, COVID-19 կորոնավիրուսի համավարակի ֆոնին 235 մլն մարդու աշխարհում օգնություն կպահանջվի այս կամ այն ձեւաչափով: Դրա հետ մեկտեղ կարիքավոր բնակչության թվաքանակն աճել Է 40 տոկոսով՝ նախորդ տարվա համեմատությամբ: «Աճը գրեթե ամբողջությամբ պայմանավորված Է COVID-19-ով»,-հայտարարել Է ՄԱԿ-ի գլխավոր քարտուղարի հումանիտար հարցերով տեղակալ Մարկ Լոուքոքը:
ՄԱԿ-ում նշել են, որ համավարակն առավել մեծ չափով ընդգրկել Է Երկրի այն բնակիչներին, որոնք առանց այդ Էլ գտնվում Էին ծանր պայմաններում: Նշվում Է, որ 1990-ական թվականներից ի վեր առաջին անգամ պետք Է մեծանան ծայրահեղ չքավորների մասշտաբները, մահացությունը ՄԻԱՎ-ից, տուբերկուլյոզից եւ մալարիայից, կնվազի կյանքի տեւողությունը: «Հավանաբար, առավել տագնապալի երեւույթը սովը վերադառնալու սպառնալիքն Է, հավանաբար, միանգամից մի քանի վայրերում»,-նշել Է Լոուքոքը: Ֆինանսական միջոցները, որոնք ՄԱԿ-ը կպահանջի, պետք Է բավարարի առավել խոցելի 56 երկրների 160 մլն բնակիչներին օգնություն ցուցաբերելու նպատակով: Մասնավորապես, ՄԱԿ-ը մտադիր Է 6 մլրդ դոլար ստանալ այն սիրիացիների համար, որոնք գտնվում են Սիրիայի տարածքում կամ նրանից դուրս, եւ 3,5 մլրդ դոլար՝ Եմենի բնակիչների համար, որը բախվել Է աշխարհի վատագույն հումանիտար ճգնաժամին: Նաեւ պլանավորվում Է զգալի միջոցներ ուղղել Կոնգոյի Դեմոկրատական Հանրապետությանը, Աֆղանստանին եւ Եթովպիային:
«Խաղասեղանին վտանգի ենթարկված հսկայական թվով մարդկանց կյանքեր են, եւ նրանց կյանքը փրկելու գինը իրականում շատ փոքր Է մյուս այն բոլոր մարտահրավերների համեմատությամբ, որոնց հետ մենք գործ ունենք»,-ամփոփել Է նա: Սակայն, ինչպես նշում են ԶԼՄ-ները, գլոբալ տնտեսական ճգնաժամի պայմաններում 35 մլրդ դոլար հավաքելը կարող Է դժվարին խնդիր դառնալ. այսպես, անցյալ տարի կրկնակի ավելի պակաս գումար՝ 17 մլրդ դոլար են հավաքել, թեեւ պահանջվել Է 29 մլրդ դոլար, հաղորդել Է «Ինտերֆաքս»-ը: