388.37
Ստամբուլում ահաբեկչական կազմակերպության անդամ լինելու կասկածանքով 5 անձ է ձերբակալվել
1 րոպեի ընթերցում
ԵՐԵՎԱՆ, 19 ՆՈՅԵՄԲԵՐԻ, ԱՐՄԵՆՊՐԵՍ: Ստամբուլում «Հեղափոխական ժողովրդական ազատագրական կուսակցություն-ճակատ»-ի դեմ իրականացված օպերացիայի արդյունքում նոյեմբերի 19-ին կազմակերպության անդամակցության մեղադրանքով ձերբակալվել է 5 կասկածյալ: Ըստ թուրքական «Թաքվիմ» լրատվական կայքի՝ օպերացիան իրականացվել է Թուրքիայի Հակաահաբեկչական կազմակերպության Ստամբուլի մասնաճյուղի կողմից:
Ինչպես հայտնում է «Արմենպրես»-ը, ձերբկալվածների դեմ առաջադրվել է «ահաբեկչական կազմակերպության անդամ լինելու» և «կազմակերպության անունից գումար հավաքելու» մեղադրանք:
«Հեղափոխական ժողովրդական ազատագրական կուսակցություն-ճակատ»-ը համարվում է թուրքական մարքսիստ-լենինյան կուսակցություն: Կուսակցությունը ճանաչվել է ահաբեկչական Թուրքիայի, Ճապոնիայի, ԱՄՆ-ի, Մեծ Բրիտանիայի և ԵՄ-ի կողմից:
Բաժանորդագրվեք մեր ալիքին Telegram-ում
