398.88
Էդուարդ Աղաջանյանը հորդորում է զերծ մնալ ցանկացած հանրահավաք կազմակերպելուց
1 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության վարչապետի աշխատակազմի ղեկավար Էդուարդ Աղաջանյանը, դիմելով ի աջակցության կառավարության և վարչապետի Երևանում հանրահավաք անցկացնել ցանկացող անձանց, հորդորում է զերծ մնալ ցանկացած հանրահավաք կազմակերպելուց: «Արմենպրես»-ի փոխանցմամբ՝ Աղաջանյանն այս մասին գրառում է արել «Ֆեյսբուք»-ի իր էջում:
«Սիրելի՛ հայրենակիցներ, տեղյակ ենք, որ Արցախից Հայաստան վերադարձած մի շարք զինծառայողներ և որպես կամավոր առաջնագիծ մեկնած քաղաքացիներ այսօր մտադիր են հանրահավաք իրականացնել Երևանում՝ ի աջակցություն Հայաստանի Հանրապետության կառավարության և վարչապետի։ Շնորհակալ ենք յուրաքանչյուրիդ ցուցաբերած աջակցության համար, և վստահեցնում ենք, որ մեր աշխատանքով կարդարացնենք այն։
Միաժամանակ, հորդորում ենք զերծ մնալ ցանկացած հանրահավաք կազմակերպելուց, քանի որ ռազմական դրության իրավական ռեժիմի պայմաններում արգելված է հավաքների կազմակերպումն ու դրանց մասնակցելը։ Բացի այդ՝ այս օրերին մեզ առավել քան երբևէ համախմբվել է պետք ու մեր ամբողջ ներուժն ուղղել հայրենիքի վերակառուցմանը։
Ողջախոհություն բոլորիս»,- գրել է Աղաջանյանը։
Բաժանորդագրվեք մեր ալիքին Telegram-ում