ՀՀ վարչապետ Նիկոլ Փաշինյանը հանդես կգա օնլայն ասուլիսով

ԵՐԵՎԱՆ, 16 ՆՈՅԵՄԲԵՐԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինյանը նոյեմբերի 16-ին ժամը 10.30-ին հանդես կգա օնլայն ասուլիսով։

«Կպատասխանեմ 12 լրատվամիջոցների հարցերի»,- «Արմենպրես»-ի հաղորդմամբ` հայտնել է նա։

Մասնավորապես, վարչապետին հարցեր ուղղելու հնարավորություն են ստացել երեքական հեռուստաընկերությունների, ռադիոկայանների, լրատվական կայքերի եւ թերթերի ներկայացուցիչները։

Հարցուպատասխանը բաց կապուղիով եթեր կհեռարձակվի Հանրային հեռուստաընկերությամբ, կառավարության յութուբյան պաշտոնական ալիքով, վարչապետի եւ կառավարության ֆեյսբուքյան էջերով։