Հունաստանում ձերբակալվել են 20 գյուլենականներ և ՔԺԿ 10 անդամներ
1 րոպեի ընթերցում
![Հունաստանում ձերբակալվել են 20 գյուլենականներ և ՔԺԿ 10 անդամներ](http://armenpress.am/resized/480/static/news/b/2020/11/1034007.jpg)
ԵՐԵՎԱՆ, 5 ՆՈՅԵՄԲԵՐԻ, ԱՐՄԵՆՊՐԵՍ։ Պելոպոնեսի հյուսիս-արևմուտքում գտնվող Կատակոլո նավահանգստում բացահայտվել են 65 անօրինական միգրանտներ, այդ թվում՝ Գյուլենական շարժման 20 ներկայացուցիչ և Քուրդիստանի ժողովրդական կուսակցության 10 անդամ։ Ըստ հունական մամուլում տեղ գտած տեղեկությունների՝ նրանց ձերբակալել են աֆղան և իրաքցի փախստականների խմբի հետ Իտալիայի սահմանն անօրինական անցնել ցանկանալու պահին։
Ինչպես հաղորդում է «Արմենպրես»-ը, գյուլենականներից մի քանիսը ներկայացել են որպես «նախկին ոստիկաններ», իսկ ՔԺԿ-ի անդամներից մի քանիսն էլ՝ «քաղաքական նախկին գործիչներ, ակադեմիկոսներ և լրագրողներ»։
Թեմայի շուրջ հետաքննությունը շարունակվում է։
Գյուլենականներն ու նրանց առաջնորդ չափավոր իսլամի քարոզիչ Ֆեթուլլահ Գյուլենը Թուրքիայում մեղադրվում են 2016 թվականի հուլիսի 15-ին տեղի ունեցած ռազմական հեղաշրջման փորձն իրականացնելու մեջ: Գյուլենը, սակայն, ի սկզբանե հերքել է մասնակցությունը կատարվածին: Նա կատարվածի կազմակերպիչ է հայտարարել Թուրքիայի նախագահ Ռեջեփ Թայիփ Էրդողանին, ով այդպիսով փորձել է ամրապնդել իշխանությունը:
Պատրաստեց Մերի Վարդումյանը