398.88
Ավստրիայի խորհրդարանը միաձայն ընդունել է Լեռնային Ղարաբաղի հարցով առաջարկ-միջնորդությունը
1 րոպեի ընթերցում
ԵՐԵՎԱՆ, 15 ՀՈԿՏԵՄԲԵՐԻ, ԱՐՄԵՆՊՐԵՍ: Ավստրիայի խորհրդարանը միաձայն՝ խորհրդարանական բոլոր խմբակցությունների կողմ ձայներով ընդունել է Լեռնային Ղարաբաղի հարցով խորհրդարանական առաջարկ-միջնորդությունը, որ նախաձեռնել են Ռեյնհոլդ Լոպատկան, Եվա Եռնեստ-Ձիձիչը և Պամելա Ռենդի-Ուագները:
«Արմենպրես»-ի հաղորդմամբ՝ այս մասին տեղեկացնում է Ավստրիայի Հայ դատի հանձնախումբը:
Առաջարկ-միջնորդության հիմնական կետերը վերաբերում են հրադադարին միտված Ավստրայի և ԵՄ-ի ջանքերին, Թուրքիայի միջամտության և զենքի մատակարարման դատապարտմանը, Վիեննայում խաղաղ բանակցություններին:
Հոկտեմբերի 14-ի առավոտյան էլ Ֆրանսիայի խորհրդարանի ստորին պալատ է ներկայացվել Արցախի Հանրապետությունը ճանաչելու մասին օրինագիծ:
Պատրաստեց Աննա Գրիգորյանը
Բաժանորդագրվեք մեր ալիքին Telegram-ում