Մեկ անձի գումարի շուրջ հավաքվածներն իրավունք չունեն պահանջելու կառավարության հրաժարականը. մարզպետ
1 րոպեի ընթերցում
![Մեկ անձի գումարի շուրջ հավաքվածներն իրավունք չունեն պահանջելու կառավարության հրաժարականը. մարզպետ](http://armenpress.am/resized/480/static/news/b/2020/09/1028714.jpg)
ԵՐԵՎԱՆ, 24 ՍԵՊՏԵՄԲԵՐԻ, ԱՐՄԵՆՊՐԵՍ։ Լոռու մարզպետ Անդրեյ Ղուկասյանը «Բարգավաճ Հայաստան» կուսակցությունը չի համարում կայացած քաղաքական ուժ և գտնում է, որ վերջինս իրավունք չունի պահանջելու կառավարության հրաժարականը։ Այդ մասին Ղուկասյանը նշեց «Քաղաքացիական պայմանագիր» կուսակցության ընդլայնված նիստից առաջ լրագրողների հետ զրույցում։
«Ցանկացած քաղաքական ուժ ինքն է որոշում ինչ պահանջել և ինչ գործողություններ անել, հետևաբար որևէ խնդիր չեմ տեսնում։ Ցավոք, «Բարգավաճ Հայաստան»-ին չեմ համարում կայացած քաղաքական ուժ, համարում եմ մեկ անձի գումարի շուրջ հավաքված մարդկանց խումբ, որը կարծում եմ, նման պահանջներ իրավունք չունի ներկայացնելու»,- «Արմենպրես»-ի փոխանցմամբ, ասաց Ղուկասյանը։