1 րոպեի ընթերցում
ԵՐԵՎԱՆ, 3 ՍԵՊՏԵՄԲԵՐԻ, ԱՐՄԵՆՊՐԵՍ։ Այսուհետ Երեւանում ոչ մի կանաչ տարածք չի զիջվելու, չի ծառայելու այլ նպատակի և հակառակը՝ շատ տարածքներ, որոնք քարտեզի վրա նշված է, որ կանաչ տարածք է, բայց իրականում վաղուց դադարել է կանաչ լինել ոռոգման բացակայության պատճառով, վերականգնելու ենք: «Արմենպրես»-ի փոխանցմամբ, այդ մասին ֆեյսբուքյան իր էջում գրել է Երևանի քաղաքապետ Հայկ Մարությանը և հրապարակել տեսանյութ։
«Աշխատանքային շրջայց եմ կատարել Երեւանի կանաչապատ մի քանի տարածքներում, ծանոթացել եմ եղած խնիդիրներին ու դրանց լուծմանն ուղղված աշխատանքներին: «Կանաչապատում եւ շրջակա միջավայրի պահպանություն» նորաստեղծ ՀՈԱԿ-ն ահռելի աշխատանք է կատարում»,- գրել է քաղաքապետը։