Կայացավ Հայաստանի 3x3 բասկետբոլի գավաթի խաղարկությունը

ԵՐԵՎԱՆ, 24 ՕԳՈՍՏՈՍԻ, ԱՐՄԵՆՊՐԵՍ: Հայաստանի բասկետբոլի ֆեդերացիան Splash League-ի հետ համատեղ առաջին անգամ անցկացրեց 3x3 բասկետբոլի Հայաստանի գավաթի խաղարկությունը։

«Արմենպրեսի»հաղորդմամբ` խաղարկությանը մասնակցում էին բազմաթիվ թիմեր Երևանից, Արթիկից, Կապանից։ Հաղթող ճանաչվեց «Ուրարտու» թիմը (Գեորգի Պոդկոլզին, Միքայել Պողոսյան, Լևոն Պողոսյան, Մանո Հալաջյան), իսկ երկրորդ և երրորդ տեղերը համապատասխանաբար գրավեցին Varant (Վարանդ Գելեջյան, Վահե Գևորգյան, Գրիգոր Բուդակյան) և Back to Back թիմերը (Ավո Չեքմեյան, Արմոնդ Նիկոլայ, Վլադիմիր Լոբախին, Էդուարդ Գևորգյան)։

Պատրաստեց Վարվառա Հայրապետյանը