368.59
Կանաչ գոտիներ բնապահպանության և ընդերքի տեսչական մարմնի անակնկալ կրկնայցերի արդյունքները դրական են
1 րոպեի ընթերցում
ԵՐԵՎԱՆ, 13 ՕԳՈՍՏՈՍԻ, ԱՐՄԵՆՊՐԵՍ: Նոր կորոնավիրուսային հիվանդության կանխարգելման նպատակով օգոստոսի 13-ին իրականացված ուժեղացված կրկնայցերի ընթացքում ՀՀ բնապահպանության և ընդերքի տեսչական մարմնի ուշադրության կենտրոնում են եղել Երևան քաղաքի Մալաթիա-Սեբաստիա վարչական շրջանի կանաչապատ տարածքները։
Ինչպես «Արմենպրես»-ին տեղեկացրին ՀՀ կառավարությունից, նախկինում դիտարկված զբոսայգիներում խախտումներ չեն արձանագրվել, պահպանվել է թերությունների ցուցանիշի նվազման դրական դինամիկան։
Պարետատան կողմից սահմանված անվտանգության կանոնների կատարման նպատակով տեսչական մարմնի մասնագետների կողմից իրականացվող լայնածավալ իրազեկման աշխատանքները շարունակվել են, տրամադրվել են դիմակներ։
«ԲԸՏՄ անակնալ ստուգայցերը և մշտադիտարկումները կրում են շարունակական բնույթ՝ ընդգրկելով հանրապետության մարզերը և Երևան քաղաքի բոլոր վարչական շրջանները»,- նշված է հաղորդագրության մեջ։
Բաժանորդագրվեք մեր ալիքին Telegram-ում