Կիպրոսի խորհրդարանի պատգամավորը դատապարտել է Ադրբեջանի հարձակումը Հայաստանի սահմանի վրա
1 րոպեի ընթերցում
ԵՐԵՎԱՆ, 14 ՀՈՒԼԻՍԻ, ԱՐՄԵՆՊՐԵՍ։ Կիպրոսի Հանրապետության Ներկայացուցիչների Պալատի պատգամավոր Կոնստանտինոս Էֆտաթյոն դատապարել է Ադրբեջանի հարձակումը Հայաստանի սահմանի, մասնավորապեսն, քաղաքացիական և ոչ ռազմական նշանակության օբյեկտների վրա։ «Արմենպրես»-ի փոխանցմամբ՝ պատգամավորը գրառում է կատարել «Թվիթեր»-ի իր միկրոբլոգում։
«Դատապարտում ենք Ադրբեջանի հարձակումը Հայաստանի սահմանից ներս քաղաքացիական բնակչության և ոչ ռազմական օբյեկտների վրա։ Մենք խաղաղության, ազատության, կայունության և միջազգային իրավունքի գերակայության կողմնակիցն ենք»,- գրել է նա։
