1 րոպեի ընթերցում
ԵՐԵՎԱՆ, 7 ՀՈՒԼԻՍԻ, ԱՐՄԵՆՊՐԵՍ: Հանրահայտ ջութակահար Սերգեյ Խաչատրյանը կորոնավիրուսի տարածման պատճառով մի քանի ամիս ելույթ չունենալուց հետո հուլիսի 7-ին համերգային ծրագրով կներկայանա իր քրոջ՝ դաշնակահարուհի Լուսինե Խաչատրյանի հետ:
«Արմենպրես»-ի հաղորդմամբ՝ այս մասին Խաչատրյանը հայտնել է «Ֆեյսբուք»-ի իր պաշտոնական էջում արված գրառմամբ:
Առցանց համերգին երաժիշտները կկատարեն Մոցարտի, Պրոկոֆևի, Ֆրանկի հանրահայտ ստեղծագործությունները:
Համերգը հեռարձակվելու է La Grange au Lac «Ֆեյսբուք»-ի պաշտոնական էջով և medici.tv երաժշտական ալիքով: