Դպրոցների սեյսմիկ անվտանգության բարձրացման նպատակով նախորդ տարի օգտագործվել է 3.5 մլրդ դրամ
1 րոպեի ընթերցում
![Դպրոցների սեյսմիկ անվտանգության բարձրացման նպատակով նախորդ տարի օգտագործվել է 3.5 մլրդ դրամ](http://armenpress.am/resized/480/static/news/b/2020/06/1017959.jpg)
ԵՐՎԱՆ, 10 ՀՈՒՆԻՍԻ, ԱՐՄԵՆՊՐԵՍ: Հայաստանում դպրոցների դպրոցների սեյսմիկ անվտանգության մակարդակի բարձրացման ծրագրի շրջանակում 2019-ին օգտագործվել է 3.5 մլրդ դրամ, 24 դպրոցների նախագծանախահաշվային աշխատանքներն արդեն իսկ պատվիրված են:
«Արմենպրես»-ի հաղորդմամբ՝ ՀՀ ազգային ժողովի մշտական հանձնաժողովների համատեղ նիստում «Հայաստանի Հանրապետության 2019թ. պետական բյուջեի կատարման մասին» տարեկան հաշվետվություն` եկամուտների և ծախսերի կատարողականի նախնական քննարկմաննն այս մասին ասաց ՀՀ տարածքային կառավարման և ենթակառուցվածքների նախարար Սուրեն Պապիկյանը:
«2019-ի ընթացքում 3.5 մլրդ դրամ է օգտագործվել դպրոցների սեյսմիկ անվտանգության մակարդակի բարձրացման ծրագրի շրջանակում, որը կազմել է ծրագրային ցուցանիշի 65.2 տոկոսը: Այս պահին հայտարարված մրցույթներից զատ շուրջ 24 դպրոցի համար նախագծանախահաշվային աշխատանքներ արդեն իսկ պատվիրված են»,-ասաց Պապիկյանը:
Դրանց շուրջ 70 տոկոսը պատրաստ կլինի այս տարի, մի մասը՝ մինչև սեպտեմբեր, մի մասը՝ մինչև տարվերերջ: Նախարարը նկատեց՝ դա ենթադրում է, որ 2021-ին ավելի լայն թափով կապահովվի այս ծրագրի շարունակականությունը:
Աննա Գրիգորյան