1 րոպեի ընթերցում
ԵՐԵՎԱՆ, 16 ՄԱՅԻՍԻ, ԱՐՄԵՆՊՐԵՍ։ Արտակարգ դրության հայտարարումից ի վեր մայիսի 6-ի դրությամբ շուրջ 23 հազար ՀՀ քաղաքացի է վերադարձել Հայաստան: «Արմենպրես»-ի փոխանցմամբ՝ մայիսի 16-ին առցանց մամուլի ասուլիսի ժամանակ հայտնեց ՀՀ վարչապետ Նիկոլ Փաշինյանը՝ ներկայացնելով «100 փաստ նոր Հայաստանի մասին»:
«Հայաստանում արտակարգ դրության հայտարարումից ի վեր մայիսի 6-ի դրությամբ շուրջ 23 հազար ՀՀ քաղաքացի է վերադարձել Հայաստան այն պայմաններում, երբ դադարել էին օդային բազմաթիվ փոխադրումներ, բազմաթիվ ընկերություններ դադարեցրել էին իրենց աշխատանքը»,- ասաց Փաշինյանը։
ՀՀ վարչապետը հայտնեց, որ առաջիկայում ևս պլանավորված են չվերթներ և քաղաքացիների վերադարձի գործընթացը շարունակվելու է։ Փաշինյանը շնորհակալություն հայտնեց Սփյուռքի անհատներին ու կազմակերպություններին, որոնք աջակցում են կառավարությանը այս գործընթացը կազմակերպելու հարցում: