Էկոնոմիկայի նախարարությունը քննարկում է գյուղմթերքի մթերման հնարավոր խնդիրների առաջացման հարցը
1 րոպեի ընթերցում
ԵՐԵՎԱՆ, 29 ԱՊՐԻԼԻ, ԱՐՄԵՆՊՐԵՍ: ՀՀ էկոնոմիկայի նախարար Տիգրան Խաչատրյանը դեռ վաղ է համարում խոսել այն մասին, թե ինչ խնդիրներ կարող են առաջանալ գյուղմթերքի հետ կապված, սակայն հարցը քննարկվում է նախարարությունում:
«Արմենպրես»-ի փոխանցմամբ՝ այս մասին Խաչատրյանն ասաց ապրիլի 29-ին հրավիրված մամուլի ասուլիսում:
«Գյուղմթերքի մթերման հետ կապված հնարավոր հարցերի մասին վաղ է խոսել, բայց մենք հենց այսօր ենք քննարկում այն հարցերը, թե ինչ պոտենցիալ խնդիրներ կարող են առաջանալ»,- ասաց Խաչատրյանը:
Նախարարը նշեց, որ համապատասխան քայլեր են ձեռնարկվելու այս ուղղությամբ առանց սպասելու, որ այդ խնդիրներն առաջանան ամռանը կամ աշնանը:
Նորայր Շողիկյան