368.52
Oպերային թատրոնը առցանց կցուցադրի տեսաֆիլմ՝ նվիրված դիրիժոր Յուրի Դավթյանին
1 րոպեի ընթերցում
ԵՐԵՎԱՆ, 21 ԱՊՐԻԼԻ, ԱՐՄԵՆՊՐԵՍ: Ալ. Սպենդիարյանի անվան օպերայի և բալետի ազգային ակադեմիական թատրոնը կոչ է անում մնալ տանն ու թատրոնի «Ֆեյսբուք»-ի էջում դիտելՀՀ ժողովրդական արտիստ դիրիժոր Յուրի Դավթյանի մասին պատմող տեսաֆիլմը:
«Արմենպրես»-ի հաղորդմամբ՝ ֆիմում Դավթյանն անդրադառնում է իր մասնագիտական ընտրությանը, ստեղծագործական կյանքին, վերելքներին ու վայրէջքներին:
Յուրի Դավթյանը եղել էԱլ. Սպենդիարյանի անվան օպերայի և բալետի ազգային ակադեմիական թատրոնի գլխավոր դիրիժոր, 1964-1966 թվականներին՝ Սարատովի օպերային թատրոնի գլխավոր դիրիժոր, ՀՀ հեռուստառադիոպետկոմի սիմֆոնիկ նվագախմբի գլխավոր դիրիժոր։ 1969 թվականից դասավանդել է Երևանի կոնսերվատորիայում։
Ղեկավարել է Մոսկվայի Մեծ, Մարիինյան թատրոնների և այլ նվագախմբեր։ Հայտնի դիրիժորն աշխատում էր Հ. Պարոնյանի անվան երաժշտական կոմեդիայի պետական թատրոնում՝ որպես գլխավոր դիրիժոր։
Դավթյանը մահացել է 2020-ի փետրվարի 20-ին՝ կյանքի իննսուներորդ տարում:
Բաժանորդագրվեք մեր ալիքին Telegram-ում