ՃՏՊ Մայակովսկի-Արամուս ավտոճանապարհին. կա տուժած

ԵՐԵՎԱՆ, 22 ՄԱՐՏԻ, ԱՐՄԵՆՊՐԵՍ: ՀՀ արտակարգ իրավիճակների նախարարության Փրկարար ծառայության ճգնաժամային կառավարման ազգային կենտրոնը մարտի 21-ին, ժամը 23:23-ին ահազանգ է ստացել, որՄայակովսկի-Արամուս ավտոճանապարհին տեղի է ունեցել ՃՏՊ՝ կա արգելափակված քաղաքացի:

Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական ջոկատը:

Ինչպես «Արմենպրես»-ին տեղեկացրին ՀՀ ԱԻՆ տեղեկատվության և հասարակայնության հետ կապերի վարչությունից, պարզվել է, որ Աբովյան-Մայակովսկի ավտոճանապարհի 3-րդ կմ-ի մոտակայքում բախվել են «Opel Astra G»(վարորդ՝ Հովհաննես Մ., ծնված 1996 թ.) և «ՎԱԶ- 2101» (վարորդ՝ Լյովա Կ., ծնված 1980 թ.) մակնիշների ավտոմեքենաները:

Փրկարարները Լյովա Կ.-ին մոտեցրել են շտապօգնության ավտոմեքենային, ում հոսպիտալացրել են Աբովյանի բժշկական կենտրոն: Բժիշկները տուժածի առողջական վիճակը գնահատել են բավարար:

Փրկարարները հոսանքազրկել են ավտոմեքենաները և փակել գազի բալոնների փականները: