Երևանում կանցկացվեն Թբիլիսիի օրեր
1 րոպեի ընթերցում
![Երևանում կանցկացվեն Թբիլիսիի օրեր](http://armenpress.am/resized/480/static/news/b/2020/02/1005806.jpg)
ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Երևանի քաղաքապետ Հայկ Մարությանն ընդունել է Հայաստանի Հանրապետությունում Վրաստանի Հանրապետության արտակարգ և լիազոր դեսպան Գիորգի Սագանելիձեին:
«Արմենպրես»-ի հաղորդմամբ, Երևանի քաղաքապետարանը տեղեկացնում է, որ զրուցակիցները բարձր են գնահատել Երևանի և Թբիլիսիի միջև համագործակցությունը տարբեր ոլորտներում՝ միևնույն ժամանակ նշելով, որ բարեկամ քաղաքների միջև գործակցությունն ընդլայնվելու և խորանալու մեծ ներուժ ունի:
Քաղաքապետ Մարությանը և դեսպան Սագանելիձեն քննարկել են նաև այս տարվա ամռանը Երևանում Թբիլիսիի օրերի անցկացմանը վերաբերող հարցեր: