Իրանում առնվազն յոթ մարդ Է զոհվել ձյան տեղումների հետեւանքով
1 րոպեի ընթերցում
![Իրանում առնվազն յոթ մարդ Է զոհվել ձյան տեղումների հետեւանքով](http://armenpress.am/resized/480/static/news/b/2020/02/1004578.jpg)
ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Առնվազն յոթ մարդ Է զոհվել Իրանի հյուսիսի Գիլանի նահանգում ձյան տեղումների հարուցած պատահարների հետեւանքով: Այդ մասին հայտնել Է Իրանի YJC նորությունների պորտալը՝ վկայակոչելով բժիշկներին, տեղեկացնում Է «Արմենպրես»-ը:
«Ձյան տեղումների եւ ձնահյուսի հետեւանքով այս պահի դրությամբ զոհվել Է յոթ մարդ, որոնցից հինգը՝ Ռուդբարում սողանքի հետեւանքով, եւս երկուսը Ռեշտում բարձրությունից ընկնելու եւ տանիքի փլվելու պատճառով»,- պորտալին հայտնել Է երկրի շտապ օգնության ներկայացուցիչ Մոջթեբա Խալեդին:
Գիլանի նահանգի կրթության դեպարտամենտն, իր հերթին, հայտնել Է, որ ուսումնական հաստատություններում հանգստյան օրեր են հայտարարվել «շարունակվող ձնատեղման» պատճառով: Վատ եղանակը նաեւ Էլեկտրականության եւ կապի ընդհատումներ Է առաջացրել, հաղորդել Է ՌԻԱ Նովոստին: