Փոխվարչապետ Գրիգորյանը մասնակցել է Ռուսաստանի դիվանագիտական աշխատողի օրվա հանդիսավոր միջոցառմանը
1 րոպեի ընթերցում
ԵՐԵՎԱՆ, 10 ՓԵՏՐՎԱՐԻ, ԱՐՄԵՆՊՐԵՍ: Փոխվարչապետ Մհեր Գրիգորյանը Ռուսաստանի Դաշնության դեսպանությունում մասնակցել է դիվանագիտական աշխատողի օրվան նվիրված հանդիսավոր միջոցառմանը, որտեղ հանդես է եկել շնորհավորական ելույթով:
Ինչպես «Արմենպրես»-ին տեղեկացրին ՀՀ փոխվարչապետ Մհեր Գրիգորյանի գրասենյակից, փոխվարչապետը շնորհավորել է ՀՀ-ում Ռուսաստանի արտակարգ և լիազոր դեսպան Սերգեյ Կոպիրկինին և դեսպանության աշխատակիցներին մասնագիտական տոնի կապակցությամբ՝ մաղթելով հաջողություններ իրենց պատասխանատու գործունեության մեջ: