Ավտոմեքենան բախվել է Մերձավանի զորամասի պատին

ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության ճգնաժամային կառավարման ազգային կենտրոնը փետրվարի 8-ին, ժամը 18:45-ին ահազանգ է ստացել, որ Արմավիրի մարզի Մերձավան գյուղում տեղի է ունեցել ՃՏՊ` ավտոմեքենան բախվել է պատին, կա տուժած:

Դեպքի վայր է մեկնել ԱԻՆ Փրկարար ծառայոության Երևան քաղաքի փրկարարական վարչության հրշեջ-փրկարարական ջոկատի մեկ մարտական հաշվարկ:

Պարզվել է, որ «Mercedes W124» մակնիշի ավտոմեքենան բախվել է զորամասի պատին. տուժածներ չեն հայտնաբերվել:

Փրկարարները հոսանքազրկել են ավտոմեքենան: