1 րոպեի ընթերցում
ԵՐԵՎԱՆ, 29 ՀՈՒՆՎԱՐԻ, ԱՐՄԵՆՊՐԵՍ: ՀՀ պաշտպանության նախկին նախարար Սեյրան Օհանյանն Ազգային ժողովի նախագահ Արարատ Միրզոյանի հետ հանդիպում է խնդրել: Ինչպես հունվարի 29-ին ՀՀ Ազգային ժողովում լրագրողների հետ զրույցում ասաց Օհանյանը, հանդիպման համար դիմել է քաղաքավարությունից ելնելով:
«Քանի որ ես երկար տարիներ այցելել եմ Ազգային ժողով, և չի եղել մի այցելություն, երբ ես ԱԺ նախագահի մոտ չլինեմ, որպես քաղաքավարության նորմ, խնդրեցի և հանդիպում ունեցա նաև ԱԺ նախագահի հետ: Որևէ քաղաքական հարց չենք քննարկել»,-«Արմենպրես»-ի փոխանցմամբ՝ ասաց Օհանյանը:
Պաշտպանության նախկին նախարար Սեյրան Օհանյանը Ազգային ժողով էր հրավիրվել Ապրիլյան պատերազմի հարցով ԱԺ քննիչ հանձնաժողովի նիստին մասնակցելու համար: