Իրանը հայտարարել Է, որ ուկրաինական Boeing-ը խոցվել Է երկու հրթիռով. Bloomberg
2 րոպեի ընթերցում
![Իրանը հայտարարել Է, որ ուկրաինական Boeing-ը խոցվել Է երկու հրթիռով. Bloomberg](http://armenpress.am/resized/480/static/news/b/2020/01/1002022.jpg)
ԵՐԵՎԱՆ, 21 ՀՈՒՆՎԱՐԻ, ԱՐՄԵՆՊՐԵՍ: Իրանի քաղաքացիական ավիացիայի կազմակերպությունը հայտարարել Է, որ «Ուկրաինայի միջազգային ավիաուղիներ» ընկերության Boeing 737-ը խոցվել Է «երկիր-օդ» դասի փոքր հեռահարության երկու հրթիռով, որոնք արձակվել Էին «Տոր-Մ1» զենիթահրթիռային համալիրից: Այդ մասին հունվարի 21-ին հայտնել Է Bloomberg գործակալությունը՝ վկայակոչելով ողբերգության հետաքննության վերաբերյալ երկրորդ նախնական հաշվետվությունը, տեղեկացնում Է «Արմենպրես»-ը:
Գործակալության տվյալներով՝ ուկրաինական Boeing-ի վրա հրթիռներն արձակվել Էին հյուսիսային ուղղությունից: Իրանի կողմից անցկացված նախնական հետաքննության արդյունքների վերաբերյալ այլ մանրամասնություններ Bloomberg-ը չի ներկայացրել:
Հունվարի 8-ին «Ուկրաինայի միջազգային ավիաուղիներ» ընկերության Boeing 737 ինքնաթիռն աղետի Է ենթարկվել Թեհրանի օդանավակայանից թռիչքից հետո: Օդանավի կործանման հետեւանքով զոհվել Է 176 մարդ, այդ թվում՝ Իրանի, Կանադայի, Ուկրաինայի, Շվեդիայի, Աֆղանստանի, Գերմանիայի եւ Մեծ Բրիտանիայի քաղաքացիներ; Զոհերի մեծ մասը Կանադայի եւ Իրանի քաղաքացիներ են: Իրանի զինված ուժերի գլխավոր շտաբը հունվարի 11-ին տարածել Է հայտարարություն, որում ընդունել Է, որ ինքնաթիռը սխալմամբ խոցվել Է հակաօդային պաշտպանության հրթիռով, հաղորդել Է ՏԱՍՍ-ը: