Հայաստանը Վրաստանի արտահանման ոլորտում առևտրային հիմնական գործընկերների շարքում է
1 րոպեի ընթերցում
![Հայաստանը Վրաստանի արտահանման ոլորտում առևտրային հիմնական գործընկերների շարքում է](http://armenpress.am/resized/480/static/news/b/2020/01/1001958.jpg)
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Հայաստանը Վրաստանի առևտրային հիմնական գործընկերներից է արտահանման ոլորտում: «Արմենպրես»-ի փոխանցմամբ՝ այս մասին հայտնում է «Georgia Today»-ը՝ հղում անելով Վրաստանի ազգային վիճակագրության գրասենյակի՝ «Գեոստատ»-ի 2019-ի ցուցանիշներին:
Արտահանման ոլորտում Վրաստանի առևտրային ամենամեծ գործընկերներն իր հարևաներն են՝ Հայաստանը, Ռուսաստանը, Ադրբեջանը: «Գեոստատ» -ի տվյալների համաձայն՝ 2019-ին Վրաստանից Հայաստան է ներմուծվել 412.2 մլն դոլարի ապրանք:
Վրաստանի արտաքին ապրանքաշրջանառությունը (բացառությամբ չհայտարարված առևտուրը) կազմել է 12 834,7 մլն դոլար ՝ նախորդ տարվա համեմատ աճելով 2,7% -ով: