Պեդրո Սանչեսը պաշտոնապես գլխավորեց Իսպանիայի կառավարությունը

ԵՐԵՎԱՆ, 8 ՀՈւՆՎԱՐԻ, ԱՐՄԵՆՊՐԵՍ: Իսպանիայի սոցիալիստական աշխատանքային կուսակցության (ԻՍԱԿ) գլխավոր քարտուղար Պեդրո Սանչեսը հունվարի 8-ին երդում Է տվել որպես Իսպանիայի կառավարության նախագահ: Արարողությունը կայացել Է թագավորական նստավայրում՝ Ֆիլիպ Վեցերորդ միապետի ներկայությամբ, տեղեկացնում Է «Արմենպրես»-ը:

Սանչեսը, ձեռքը դնելով Իսպանիայի Սահմանադրության վրա, «խոստացել Է «…» կատարել կառավարության ղեկավարի պարտականությունները եւ հավատարիմ լինել թագավորին ու երկրի հիմնական օրենքին: Սպասվում Է, որ հաջորդ շաբաթ ԻՍԱԿ-ի գլխավոր քարտուղարը կհրապարակի իր կառավարության կազմը:

Իսպանիայի Պատգամավորների կոնգրեսը (խորհրդարանի ստորին պալատը) հունվարի 7-ին անցկացված երկրորդ քվեարկության ընթացքում հաստատել Է Սանչեսի թեկնածությունը վարչապետի պաշտոնի համար: Ավելի վաղ նա համաձայնության Էր հասել «Միավորվելով՝ մենք կարող ենք» ձախ կոալիցիայի հետ, որը նախատեսում Է, որ սոցիալիստական կուսակցության առաջնորդի գլխավորած նախարարների կաբինետում կընդգրկվեն այդ քաղաքական ուժի ներկայացուցիչները:

Այսպիսով, Իսպանիայի ժամանակակից դեմոկրատական պատմության մեջ առաջին անգամ երկրում կձեւավորվի կոալիցիոն կառավարություն, հաղորդել Է ՏԱՍՍ-ը: