Գյումրիում փայտի արտադրամաս է այրվել

ԵՐԵՎԱՆ, 29 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ արտակարգ իրավիճակների նախարարության «911» ծառայությունը դեկտեմբերի 28-ին, ժամը 19:35-ին ահազանգ է ստացել, որՇիրակի մարզի Գյումրի քաղաքի Գորկու փողոցի շենքերից մեկում՝ 2-րդ հարկում, այրվում է բնակարան:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ հրդեհը բռնկվել է Մուսայելյան փողոցի թիվ 34 հասցեում գտնվող շինության 2-րդ հարկում՝ փայտի արտադրամասում:

Ինչպես «Արմենպրես»-ին տեղեկացրին ՀՀ արտակարգ իրավիճակների նախարարության տեղեկատվության և հասարակայնության հետ կապերի վարչությունից, հրդեհը մեկուսացվել է ժամը 20:57-ին, մարվել՝ 21:39-ին: Այրվել են հատակի փայտյա կառուցատարրերը (մոտ 50 քմ), կուտակած փայտ (1խմ) և 1 սեղան: