Ժամանակը Երևանում՝ 11:07:36,   21 Նոյեմբեր

Կմեկնարկի երաժշտական և արվեստի դպրոցների փոխգործակցության «Քույր- դպրոցներ» ծրագրի երկրորդ շրջափուլը

Կմեկնարկի երաժշտական և արվեստի դպրոցների փոխգործակցության «Քույր-
դպրոցներ» ծրագրի երկրորդ շրջափուլը

ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարության աջակցությամբ ՀՀ մարզերի ու Երևանի երաժշտական և արվեստի դպրոցների սաների ու մանկավարժների միջև գործնական, կրթական և ստեղծագործական համագործակցության խթանման նպատակով Երևանի Ա. Հեքիմյանի անվան երաժշտական դպրոցն այսօրվանից սկսում է երաժշտական և արվեստի դպրոցների փոխգործակցության «Քույր դպրոցներ» ծրագրի երկրորդ շրջափուլը։  

Ինչպես «Արմենպրես»-ին հայտնեցին ՀՀ կրթության, գիտության, մշակույթի և սպորտի նախարարությունից, ՀՀ մարզերի և Երևանի երաժշտական ու արվեստի դպրոցների միջև գործընկերության հաստատման ծրագիրը կշարունակվի մինչև նոյեմբերի 30-ը՝ նպատակ ունենալով ապահովել երաժշտական նախնական մասնագիտական կրթության ոլորտի բնականոն գործունեությունը, մշակութային կրթության համաչափ տարածքային զարգացումը և երաժշտամանկավարժական առաջավոր փորձի տարածումը։

Ծրագրի առաջին շրջափուլը կայացել է 2019 թ. հունիսին, որի ընթացքում ՀՀ մարզերի և Երևանի 20 երաժշտական և արվեստի դպրոցների շուրջ 400 աշակերտներ համերգային ծրագրերով հանդես են եկել քույր դպրոցներում, ծանոթացել մայրաքաղաքի ու մարզերի տեսարժան և պատմամշակութային վայրերին, իսկ մանկավարժների համար ստեղծվել են շարունակական համագործակցության և փորձի փոխանակման նոր հարթակներ:
Կից ներկայացվում է ՀՀ մարզերի և Երևանի երաժշտական ու արվեստի դպրոցների փոխգործակցության «Քույր դպրոցներ» ծրագրի երկրորդ շրջափուլի ժամանակացույցը:




youtube

Բոլոր նորությունները    


Haypost

New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ