Սոմալիում հյուրանոցի վրա իրականացված հարձակման հետևանքով մահացել է առնվազն 10 մարդ

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Սոմալիի Կիսմայո քաղաքում հյուրանոցի վրա իրականացված հարձակման և պայթյունի հետևանքով մահացել է առնվազն 10 մարդ: Ինչպես հաղորդում է «Արմենպրես»-ը, այս մասին հայտնում է Associated Press գործակալությունը:

Տեղական իշխանությունների ներկայացուցիչ Աբդի Ահմեդը հայտարարել է, որ զոհերի մեծ մասը հյուրանոցի մշտական հյուրերից են եղել:

Նշվում է, որ կատարվածի պատասխանատվությունը ստանձնել է իսլամիստական «Աշ-Շաբաբ» խմբավորումը: