Հասարակական

 Արարատի մարզի 25-ամյա բնակչուհին բնական ճանապարհով եռյակ է լույս աշխարհ բերել

1 րոպեի ընթերցում

 Արարատի մարզի 25-ամյա բնակչուհին բնական ճանապարհով եռյակ է լույս աշխարհ բերել

ԵՐԵՎԱՆ, 3 ՄԱՅԻՍԻ, ԱՐՄԵՆՊՐԵՍ: «Շենգավիթ» բժշկական կենտրոնում բնական ճանապարհով` ոչ արհեստական բեղմնավորմամբ, եռյակ է լույս աշխարհ եկել: «Արմենպրես»-ին կենտրոնից տեղեկացրին, որ երկու աղջիկն ու մեկ տղան լույս աշխարհ են եկել մայիսի 2-ին:

Երեխաների մայրը՝ Արարատի մարզի Շահումյան գյուղի 25-ամյա բնակչուհի Համեստ Դոլուխանյանը մեկ տարվա առաջնային անպտղությունից հետո դիմել էր «Շենգավիթ» ԲԿ, որտեղ էլ մանկաբարձ-գինեկոլոգ Շուշանիկ Բախշյանի օգնությամբ, բուժման որոշակի փուլ անցնելուց հետո գրանցվել էր երկար սպասված հղիությունը: Թե բժշկուհու և թե երիտասարդ զույգի համար անակնկալ էր, երբ ուլտրաձայնային հետազոտությունը փաստել էր եռյակին:

Հղիության ողջ ընթացքու Համեստը գտնվել է կենտրոնի և բժշկուհու անմիջական հսկողության տակ և արդեն 34-35 շաբաթական հղիության շրջանում կատարվել է կեսարյան հատում: Երեխաները գտնվում են «Շենգավիթ» բժշկական կենտրոնի նորածինների ինտենսիվ թերապիայի բաժանմունքում, ստանալով համապատասխան բուժման կուրս:

Այս պահին թե մայրիկի և թե փոքրիկների վիճակը բավարար է:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում