ՀՀ ԶՈՒ նոր սպառազինությունների մատակարարումների պայմանավորվածությունները ձեռք են բերվել
14:52, 26 Ապրիլ 2019
ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ: ՀՀ Պաշտպանության նախարար Դավիթ Տոնոյանը մանրամասներ չի հայտնում Զինված ուժերի նոր սպառազինության մատակարարումների վերաբերյալ, սակայն նշում է, որ դրանք բոլորն արդեն ձեռք են բերված:
«Արմենպրես»-ի փոխանցմամբ` այս մասին Տոնոյանն ասաց ապրիլի 26-ին լրագրողների հետ զրույցում:
«Տարբեր այն մատակարարումները, որոնք պետք է իրականացվեն մինչև տարվա վերջ, մյուս տարվա ընթացքում, բոլորի վերաբերյալ պայմանավորվածությունները ձեռք են բերված, ուղղակի մանրամասներ չեմ կարող բացել: Երբ կմատակարարվի, այն ժամանակ կխոսենք»,- ասաց Տոնոյանը:
Բաժանորդագրվեք մեր ալիքին Telegram-ում