ԱՄՆ Կոլորադո նահանգում 2019 թվականի ապրիլը հռչակվել է «Ցեղասպանության իրազեկման ամիս»
11:05, 5 Ապրիլ 2019
ԵՐԵՎԱՆ, 5 ԱՊՐԻԼԻ, ԱՐՄԵՆՊՐԵՍ: ԱՄՆ-ի Կոլորադո նահանգի նահանգապետ Ջարեդ Փոլիսը ստորագրել է 2019 թվականի ապրիլը «Ցեղասպանության իրազեկման ամիս» հայտարարելու մասին հռչակագիր: Հռչակագրում թիվս այլ ցեղասպանությունների հղում է կատարվում նաև Հայոց ցեղասպանությանը:
«Արմենպրես»-ի հաղորդմամբ, ԱՄՆ Հայ Դատի հանձնախումբը տեղեկացնում է, որ դրանով ընդգծվում է ցեղասպանության հարցերով կրթության կարևորությունը և կոչ է ուղղվում ոճրագործներին, ովքեր մինչ այժմ հերքում են մարդկության դեմ հանցագործությունը:
Բաժանորդագրվեք մեր ալիքին Telegram-ում