1000х90.jpg (78 KB)

Երևանում՝ 11:07,   29 Մարտ 2024

Մասնագետները համացանցում նկատում են հայատառ գրելու աճ. փետրվարի 7-ը համացանցում հայատառ գրելու օրն է

Մասնագետները համացանցում նկատում են հայատառ գրելու աճ. փետրվարի 7-ը 
համացանցում հայատառ գրելու օրն է

ԵՐԵՎԱՆ, 7 ՓԵՏՐՎԱՐԻ, ԱՐՄԵՆՊՐԵՍ: Փետրվարի 7-ը Հայաստանում նշվում է որպես համացանցում հայատառ գրելու օր: Այս առթիվ կազմակերպված ասուլիսին «Ինտերնետ հանրություն» ՀԿ փոխնախագահ Գրիգորի Սաղյանը փաստեց, որ համացանցում հայատառ գրելու սովորույթը բավականին տարածվել է:

«Վիճակագրություն չկա, թե որքանով է աճել, ուսումնասիրություն չի իրականացվում, քանի որ դրա պատվերը չկա»,- «Արմենպրես»-ի փոխանցմամբ՝ ասաց Սաղյանը:

«Վիքիմեդիա Հայաստան» ՀԿ-ի նախագահ Սուսաննա Մկրտչյանը նույնպես կարծում է, որ համացանցում հայատառ գրելու վիճակն աստիճանաբար բարելավվում է:

«Ինտերնետ հանրություն» ՀԿ արտաքին կապերի ղեկավար Լիանա Գալստյանը մի դիտարկում արեց, որ միտում կա նաև հայատառ ռուսերեն կամ անգլերեն բառեր գրելու:

«Կարծում եմ, որ հակառակ կողմից այդ փաստը վատ է դիտարկվում: Ինչ վերաբերում է հայատառ հայերեն գրելուն, կարող եմ ասել, որ ինչ-որ չափով անգամ նորաձև է դարձել»,- ասաց Գալստյանը:

Անդրադառնալով Վիքիպեդիայում հայկական հոդվածներին՝ Սուսաննա Մկրտչյանն նշեց, որ Վիքիպեդիայում հայերենով գրվել է ավելի քան 251 հազարից հոդված:

«Մեզ մոտ բազմաթիվ աշակերտներ կան, ովքեր նյութեր, հոդվածներ են գրում, խմբագրում Վիքիպեդիայի հայկական հատվածում: Մենք այդ աշակերտների կրթվածությունն ավելի բարձրացնելու համար տարբեր ակումբներ ենք ստեղծել, նախագծեր իրականացրել և շարունակում ենք իրականացնել: Կարծում եմ, որ  Վիքի նախագծերը կարող են հեղափոխություն մտցնել կրթության ոլորտում»,- նշեց Մկրտչյանը:

Փետրվարի 7-ը համացանցում հայատառ գրելու օր հռչակելը 2012 թվականին նախաձեռնել է  Զոհրապ Եգանյանը՝ ի պաշտպանություն մեսրոպատառ հայերենի: Նախաձեռնությանը կողմ են արտահայտվել բազմաթիվ օգտատերեր, կազմակերպություններ, քաղաքական ու հասարակական գործիչներ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]