Ժամանակը Երևանում՝ 11:07:36,   21 Մարտ

Արևելագետը Նախիջևանում թուրքական ռազմաբազայի ստեղծումը ՀՀ-ում ՌԴ ռազմաբազային հակակշիռ քայլ է համարում


ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Թուրքիան պատրաստվում է Նախիջևանում ռազմաբազա հիմնել, որը Հայաստանում գտնվող ռուսական ռազմաբազային հակակշռելու նպատակ ունի:

«Արմենպրես»-ի փոխանցմամբ` այս մասին հունվարի 25-ին հրավիրված մամուլի ասուլիսի ընթացքում ասաց Արևելագիտության ինստիտուտի տնօրեն Ռուբեն Սաֆրաստյանը:

«Թուրքիայի ակտիվությունը Հարավային Կովկասում վերջին շրջանում ավելի շատ երևում է հատկապես Նախիջևանի ուղղությամբ, այստեղ ակտիվությունը ոչ միայն քաղաքական է, այլ նաև ունի ռազմական կարևոր բաղադրիչ: Թուրքական մամուլն արդեն գրում է, որ Թուրքիան այստեղ պատրաստվում է հիմնել երրորդ ռազմաբազան իր սահմաններից դուրս: Նա փորձում է Հարավային Կովկասում իր ոտքը դնելու տեղն ընդլայնել և ուժեղացնել իր ներկայությունը նաև ռազմական առումով: Սա, իհարկե, նաև աշխարհաքաղաքական գործընթաց է, և չեմ կարծում, որ ռուսների կողմից լուրջ հակազդեցության չի արժանանա, որովհետև սա արվում է առաջին հերթին Հայաստանում ռուսական ռազմաբազայի գոյությանը հակակշռելու նպատակով»,- ասաց Սաֆրաստյանը:

Արևելագետը նաև նշեց, թե Թուրքիան օգտվում է այն հանգամանքից, որ Ռուսաստանն ունի իր կարիքը Սիրիայի գործընթացներում:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ