Պենտագոնի ղեկավարը ժամանել Է Աֆղանստան
10:01, 7 Սեպտեմբեր 2018
ԵՐԵՎԱՆ, 7 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ-ի պաշտպանության նախարար Ջեյմս Մեթիսը եւ երկրի զինված ուժերի շտաբների պետերի կոմիտեի նախագահ գեներալ Ջոժեֆ Դանֆորդն սեպտեմբերի 7-ին Քաբուլ են ժամանել նախապես չհայտարարված այցով: Այդ մասին, ինչպես տեղեկացնում Է «Արմենպրես»-ը, հայտնել Է Reuters գործակալությունը:
Նրա տվյալներով՝ այցի ընթացքում նրանք հանդիպում կանցկացնեն Աֆղանստանում ԱՄՆ-ի եւ ՆԱՏՕ-ի զորքերի նոր հրամանատար գեներալ-լեյտենանտ Օսթին Սքոթ Միլլերի հետ եւ կքննարկեն «Թալիբան» արմատական շարժման հետ հաշտության պայմանագրի կնքման հեռանկարները:
Օսթին Սքոթ Միլլերը նոր պաշտոնում պարտականությունների կատարմանը ձեռնամուխ Է եղել սեպտեմբերի 2-ին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում