Հայտնի է դարձել բասկետբոլի Հայաստանի հավաքականի խաղացանկը
09:16, 23 Մայիս 2018
ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ: Բասկետբոլի Հայաստանի հավաքականի խաղացանկը հայտնի է Լիբանանի միջազգային մրցաշարում:
«Արմենպրես»-ի հաղորդմամբ` Լիբանանի Բեյրութ քաղաքում տեղի ունեցող միջազգային մրցաշարում Հայաստանի հավաքականն առաջին հանդիպումը կանցկացնի հունիսի 21-ին, մրցելով ՝ Քաթարի հավաքականի հետ: Հունիսի 22-ին մեր ընտրանին ուժերը կչափի Եգիպտոսի հավաքականի հետ , իսկ վերջին հանդիպումը տեղի կունենա հունիսի 23-ին, որտեղ կմրցի տան տերերի՝ Լիբանանի ազգային հավաքականի հետ:
Հիշեցնենք, որ մրցաշարի ավարտից հետո Հայաստանի հավաքականը կմեկնի Կոպենհագեն, որտեղ հունիսի 28-ին կանցկացնի Եվրո-2021-ի նախընտրական փուլի վերջին ՝ Դանիա-Հայաստան հանդիպումը:
Բաժանորդագրվեք մեր ալիքին Telegram-ում