Մարմնամարզիկ Արթուր Դավթյանը ոսկե մեդալ է նվաճել Վորոնինի մրցաշարում
11:35, 21 Դեկտեմբեր 2017
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Մարմնամարզության Հայաստանի տղամարդկանց հավաքականի անդամները շարունակում են հաջող ելույթները Վորոնինի միջազգային մրցաշարում:
«Արմենպրես»-ի հաղորդմամբ` Օլիմպիական խաղերի չեմպիոն Միխայիլ Վորոնինի միջազգային մրցաշարում մարմնամարզիկները սկսել են պայքարը անհատական ձևերում: Հայաստանի հավաքականի անդամ Արթուր Դավթյանը, հենացատկերի վարժությումում հավաքելով 14,176 միավոր, դարձել է ոսկե մեդալակիր: Դավթյանը երկրորդն է եղել նժույգթափերի վարժությունում, իսկ զուգափայտերի վրա նա գրավել է 3-րդ տեղը:
Հայաստանի մյուս ներկայացուցիչը` Վիգեն Խաչատրյանը, ազատ վարժությունում (13,500 միավոր) գրավել է երրորդ տեղը: Նախօրեին Դավթյանը և Խաչատրյանը թիմային պայքարում գրավել էին 3-րդ տեղը:
Բաժանորդագրվեք մեր ալիքին Telegram-ում